BACOLOD CITY – Nag-angkon sang mga samad ang isa ka lalaki matapos nga ini siya kag ang iya abyan ang ginkastigo kahapon sa atubang sang isa ka mall sa Barangay 12, Bacolod City.
Nakilala ang biktima nga si Jen Ren Articuna, 19 anyos ang edad pumuluyo sang San Juan St., Brgy. 10, Bacolod City.
Suno sa biktima nga may mga las 3:40 kahapon sang hapon samtang nga ini siya kag ang iya amigo nga si Marby Parcon, legal ang edad, isa ka civilian guard ang nagalakat sa dalan sa atubang sang isa ka mall sa Brgy. 12 ini sila ang ginbanggaan sang isa ka grupo sang mga lalaki.
Pahayag sang biktima nga nakibot siya sang hinali sila nga ginpangkastigo sang wala makilala nga mga suspek.
Nag-angkon sang pilas sa nagkalain lain nga bahin sang iya lawas ang biktima kag ginabulong karon sa Corazon Locsin Montelibano Memorial Regional Hospital./dyHB BACOLOD
