Patay ang 54-anyos nga manunudlo sa Passi City nga ginpahayag ginkastigo sang iya bana.
Ini ang ginkumpirmar ni PO1 Catherine Palmes sang Passi City PNP Women and Children’s desk sa interview sang RMN Iloilo.
Sun okay Palmes nga nagpangabay ang pamilya nga indi lang paglawagon ang ngalan kag lugar sang napatay nga manunudlo.
Base sa imbestigasyon sang Passi City PNP naguwa nga nagbaisay ang mag-asawa sang Enero 24, mga alas-11 sang gab-i, matapos punggan maestra ang iya bana nga magpadulong sa siyudad dala ang ila salakyan bangud nakainum ini.
Nagpablotter ang maestra sa police station sang amo man nga petsa apang nag-ayo ini nga indi lang pagdakpon ang iya bana.
Ginpahayag nga nagpa-syudad sang Iloilo pa ang maestra sang Enero 25 kag sang Enero 27, nagreklamo siya sa iya utod nga nagasakit ang iya kilid kabangdanan nga gindala siya sa ospital.
Subong man, mga asla 4 pasado sang Enero 28, gindeklarar nga napatay ang maestra.
Nagpalagyo naman ang bana kag suno sa ila pamilya , wala wala pa ini nakapauli tubtob sa karon.
Naguwa man sa resulta sang autopsy sa bangkay sang maestra nga internal hemmorhage ang ginkabangdanan sang kamatayon sang maestra.
Sun okay Dr. Owen Lebaquin, medico legal officer sang PRO 6 Crime Laboratory nga may bukol kag may mga lagub sa ulo ang biktima nga compatible sa pagbunggo magluwas pa nga may lagub man ini sa baba kag dughan.
