Nagpasaka sang kaso si former Provincial Administrator Manuel ‘Boy’ Mejorada kontra kay Gov. Arthur Defensor bangud sang ginaalegar sala nga paggasto sang gobernador sang disbursement acceleration program (dap) funds.
Suno kay Mejorada, ginkasuhan niya sang pagpangurakot sa Ombudsman si Defensor bangud gingamit sang gobernador sa pagpangampanya sadtong 2013 ang masobra 17 million pesos nga pondo.
Paathag ni Mejorada, subong lang siya nagpasaka sang kaso kay Gov. Defensor bangud sang 2015 lang nagpamatbat ang supreme court nga illegal kag unconstitutional ang disbursement acceleration program (dap ) kag masobra lang isa ka bulan sang iya nabaton ang mga dokumento.
Nagapati si Mejorada nga manabat si Defensor sa kaso nga iya ipasaka batok sa gobernador.
Nahibaluan nga madamo na sang may gin-akusar si Mr. Boy Mejorada apang sadtong tuig 2017, gin-convict siya sang regional trial court sa Pasay City sa apat ka kaso sang libel nga ginfile ni Senator Franklin Drilon.
