Napasaka na kagab-i ang kaso nga murder kag illegal possession of firearms and explosives batuk sa mag-utod nga Julius kag Roy delos Reyes, ang close-in bodyguards ni Councilor Plaridel Nava nga ginatudlo nagluthang patay kay Mercedes “Gingging” Nava kag kay Erwin Fontillas.
Antis mag-alas Dose kagab-i, gin-inquist sanday Julius kag Roy delos Reyes sang City Fiscal kag gilayon man nga ginpasaka sang Mandurriao PNP ang nasambit nga mga kaso.
Ginhingagaw sang mga pulis nga mapasaka ang kaso antis maglapse ang reglamentary period alas 12 sang tungang gab-i kagab-i.
Samtang ginpanindugan ni ICPO Director Sr. Supt. Martin Defensor Jr. nga ang pag-aresto sa duha ang kabahin pa sang hot pursuit operation bangud sige-sige kag wala sila nag-untat sa paglagas sa mga suspek umpisa sang matabu ang krimen sang biyernes sang udto tubtub madakpan ang mga ini sang lunes sang udto.
