Estatwa ni baby Jesus Christ nga ginkawat 90 ka tuig na ang nakaligad
ginbalik sa simbahan.
Nagtuga sang kakugmat ang nakita nga package sa gwa sang Our Lady
Of Grace Church sa New Jersey nga wala sang return address.
Bangud sini nagtawag sang pulis si Rev. Alex Santora agud
makasiguro.
Matapos ang test kag napat-ud nga indi bomba ang unod sang carton
ila ini ginbuksan kag nakita ang statue sang baby Jesus.
Nakasulat sa mensahe nga ginabalik niya ini sa tag-iya paagi sa
simbahan.
Ginapahayag nga ginkawat ini sadtong 1930 kag ginpasa pasa na
sang pila nila ka henerasyon kag pag-abot sa sender luyag sini nga ibalik
sa matuod nga tag-iya.
Gindayaw naman ni Santora ang nagbalik sang estatwa kag
ginpahayag nga bisan sa kalawigon na sang panahon may mga tawo gid nga mas
ginapili ang paghimo sang matarong.
