Ginkawat nga motor halin sa Bayawan narecover sa Silay

1462

SILAY CITY, NEGROS OCCIDENTAL – Anum ka mga ginaalegar kinawatan nga motor ang natigayon nga mabawi sa ginpatigayon nga joint operation sang Bayawan City Police Station kag sang Silay City Police Station may mga las 4 kahapon sang kaagahon sa Sitio Hiyang-Hiyang, Brgy. Patag, Silay City.

Ginpatigayon ang follow-up operaton matapos may ginreport nga insidente sang motor-napping nga natabo sa Bayawan City, Negros Oriental sadtong December 31, 2018 las 2:50 sang kaagahon lakip na ang insidente nga natabo sadtong January 5, 2019 las 11 sang aga kag sadtong January 20, 2019 sa Brgy. Patag, Silay City.

Base sa record sang pulis, nakuha ang mga motor halin sa lima tanan ka mga persona nga pumuluyo sang Sitio Hiyang-hiyang sang amo nga barangay.

Nahibaluan nga ang mga ginaalegar ginkuha nga motor ang lunsay XRM 125 motorcycle nga may yara sang nagkalain lain nga color./dyHB BACOLOD photo | Melandro Benetua

Facebook Comments