Roxas City, Capiz – Padayon pa nga gina-im bestigahan sang Roxas City PNP kaso sang pagpangawat sa isa ka balay sa Bangbang Street, Brgy., Inzo Arnaldo, Roxas City kahapon sang kaagahon.
Ginpahayag sang tag-iya nga si Gabriel Albar nga nakibot na lamang ang iya asawa nga si Gina Albar, anay barangay kagawad, sa iya pagbugtaw nga nagasiga na ang mga suga sa sulod sang ila nga balay kag bukas na ang bintana.
Suno pa diri nga naga-ukay na ang ila kagamitan kag diri nadiskubrehan nga wala na ila mga alahas nga nagabalor sang kapin sa P60,000, isa ka iPad nga nagabalor sang kapin P15,000, duha ka mga laptop nga nagabalor sang P30,000, isa ka tablet nga nagabalor sang kapin P30,000, tatlo ka cellphone nga nagabalor sang P7,000 kag cash nga nagalab-ot sa P10,000.
Nagapati si Albar nga gintaklas sang mga suspek ang ila nga gate kag nag-agi ang mga ini sa ila bintana nga sliding window.
