Roxas City, Capiz – Ginsulod sang mga wala makilala nga kawatan ang isa ka establisemento komersyal nga nahamtang sa Roxas Avenue Brgy. XI, Roxas City
Alas 7:30 sang aga kahapon nga adlaw sang matalupangdan sang caretaker nga si Criselda Quiachon, 53-anyos nga pwersahan nga ginsulod ang amo nga building pinaagi sa hungod nga pagsamad sang padlock.
Base sa imbentaryo, kalakip sa mga nakuha sang kawatan ang 40 inches nga flat screen TV nga nagabalor sang 6 mil pesos kag laptop nga nagabalor sang 45 mil pesos.
Padayon pa nga gina-imbestigahan sang mga kapulisan ang nasambit nga insidente.
Facebook Comments
