GINKONSENSIYA | Mister nga pagadakpon sang kapulisan bangud sa ginapangatubang sini nga kaso, nagtuyo nga magpanginmatay!

111

Pilar, Capiz- Isa ka wanted nga persona ang nagtuyo nga magpanginmatay matapos nga mahibaluan sini nga siya ang pagadakpon sang mga kapulisan sa banwa sang Pilar.

Ginkilala ang biktima kay Richard dela Cruz, 52-anyos ang pang-edaron sang Sitio Balogo Brgy. Dulangan Pilar, Capiz nga may yara sang kaso nga rape.


Suno sa impormasyon, posible nga ginkonsensya ang biktima gani nga sang Sabado sang gab-e nag-inom ini sang makahulobog nga ilimnon.

Apang ginkakibot na lamang sang mga otoridad sang ini ang ginpadulongan sa ila poluy-an nga nagabula na ang iya nga baba.

Sa subong yara na ginatatap sa Bailan District Hospital sa banwa sang Pontevedra ang amu nga persona matapos nga ini ang natabangan kag insigida nga gindangat sa ospital.

Facebook Comments