Maayon, Capiz – Padayon nga ginabulong sa ospital ang isa ka mister matapos ginlabu sang iya kaupod sa ilimnan sa Barangay Batabat, Maayon, Capiz.
Ginkilala ang biktima kay Efren Dumagpi, 48-anyos sang Barangay Indayagan banwa sang Maayon. Base sa imbestigasyon sang Maayon PNP nga may nagluntad nga kinagamo sa tunga sang suspek nga si Pio Lopez kag ang biktima.
Ginsundan ini sang paglabo sang suspek sa biktima sang makapila ka beses. Nag-angkon sang mga kapilasan sa lawas ang biktima kag nautod ang tatlo ka tudlo sini. Gilayon naman nga nagpalagyo ang suspek pagkatapos sang nasambit nga insidente.
*(photo from web)*
Facebook Comments
