Pilason ang asawa matapos ginlabu sang iya bana sa banwa sang Tubungan, Iloilo kaina sang hapon.
Ginkilala ang biktima nga si Rosalinda Tabilon, 54 anyos samtang ang suspek nga bana ginkilala kay Aurello Tabilon Jr., 78 anyos, lunsay pumuluyo sang barangay Teniente Benito, Tubungan, Iloilo.
Base sa pagpangusisa sang Tubungan PNP, natabu ang insidente mga alas 3 kaina sa hapon kon sa diin ginpahayag nga nag-away ang mag-asawa.
Bangud sini, nagkuha sang binangon ang bana kag ginlabu ang iya asawa nga nakaagum sang pilas sa likod.
Gilayon naman nga gindala sa Guimbal District Hospital ang asawa para sa nagakaigo nga pagbulong samtang arestado naman ang suspek.
Facebook Comments
