Patay ang isa ka foreman matapos ginlampusan sang dos por dos sang iya kaupod sa trabaho.
Ginkilala ang biktima kay Ivan Pama, 37 anyos sang Brgy. San Rafael , Barotac Viejo, Iloilo.
Samtang ang suspek ang ginkilala kay E.G. Bedia sang Barangay Lublub , Dumangas.
Suno sa kaupod sang biktima nga si alyas toto, naga-inum-inom sila sa isa ka KTV bar sang nag-eskandalo si Bedia .
Bangud sini , ginhambalan ni Pama si Bedia nga pahalinon sa trabaho gani nagba-isay ang duha kag ginpahog sang suspek nga patyon ang biktima tubtub nga ginlampusan sini sang dos por dos ang nasambit nga foreman.
Natigayon naman nga madakpan ang suspetsado kag gin-ako niya nga siya ang nagpatay sa biktima.
Facebook Comments
