Isa ka 20 anyos nga 4th year College student ang gin-alegar ginhimuslan sang iya maestro sa isa ka banwa sa Third District sa Probinsya sang Iloilo.
Ginpahayag sang tiya sang biktima nga nabaton niya ang report nga ginlugos ang biktima kaina sang kasisidmon sa lugar sang maestro sa pihak nga banwa.
Suno sa iya nga masami nga gina-upod sang maestro ang iya hinablos bangud masaligan ini sa mga ulubrahon kag sini nga kasisidmon gin-alegar nga ginlugos sang suspek ang biktima.
Suno sa tiya nga gintawgan siya sang amiga sang biktima mga alas 8:45 sini nga gab-i nga nagapabalo sa natabu sa iya hinablos kon sa diin nagahinibi lang ini sa Police station bangud alegasyon nga ginhimuslan ini sang iya maestro.
Sa karon padayon nga gina-imbestigahan sang mga pulis ang nasambit nga kaso.
