Pilason ang project engineer sang Housing project sa Pulao-Balabag sa Barangay Pulao, Dumangas, Iloilo matapos luthangon pasado alas 8 sini lamang nga gab-i.
Ginkilala ang biktima nga si Engr. Raul Cadobos, 41 anyos samtang ang suspek ginkilala naman nga si Alvin Ausmolo, legal ang pang-edaron kag pumuluyo sang Sitio Insayawan, Barangay Dela Paz, Banate, Iloilo.
Base sa imbestigasyon sang Dumangas PNP, ginapahayag nga naga-inum si Engr. Cadobos kag ang iya kaupod sang hinali na lamang nga ginluthang sang suspek gamit ang wala pa matumod nga kalibre sang armas luthang.
Gilayon nga gindala sa pinakamalapit nga ospital si Cadobos samtang madasig nga nagpalagyo ang suspek kag padayon nga ginapangita sang kapulisan.
Facebook Comments
