Dao, Capiz – Nagapabilin nga ginabulong sa ospital ang isa ka tricycle driver matapos ginluthang sa Barangay Balucuan, Dao, Capiz. Suno sa report, samtang nagamaneho ang biktima nga si Archie Diancin, 37-anyos sang nasambit nga lugar, hinali na lamang nga ginluthang sang suspek nga si Lito Abayon.
Nag-angkon sang igo sang bala sa iya nga tiil ang biktima kag gilayon nga gindala sa ospital. Daan nga hiligut-anon ang ginalantaw nga motibo sang mga otoridad sa pagluthang sang suspek kay Diancin. Samtang, padayon na man nga ginapangita sang mga kapulisan ang nasambit nga suspek.
*(Photo from web)*
Facebook Comments
