Patay ang tricycle driver matapos paulanan sang luthang sang wala makilala nga suspek sakay sa salakyan nga Montero Sport kaina sang udto (Enero 19).
Ginkilala ang biktima nga si Rufo Tahum nga nakaagum sang kapilasan sa nagkalain-lain nga bahin sang iya lawas.
Samtang pilason man ang pasahero sini nga si John Stephen Mondia, 23 anyos sang barangay San Miguel , Jordan, Guimaras,
Natabu ang insidente alas dose pasado kaina sang udto samtang nagamaneho sangv tricycle ang biktima gikan sa banwa sang Jordan padulong sa banwa sang San Lorenzo apang pag-abot sa dulhugon kag kurbada nga bahin sang barangay Bugnay, Jordan, Guimaras, hinali lang nga may nag-overtake nga itom nga Montero Sport kag ginpaulanan sang luthang si Tahum.
Gindala pa sa ospital ang mga biktima apang gindeklarar nga dead on arrival si Tahum.
Padayon ang hot pursuit operation sang kapulisan sa suspek nga nagluthang sa biktima.
