Napun-an sang tuman nga kasubo ang lubong ni the late Punong Barangay Rex Lagura sang Barangay Aldeguer, Sara, Iloilo kahapon.
Halos tanan nga mga barangay officials kag local government units ang nag upod sa pag dul-ong sa iya pinaka ulihi nga palahuwayan.
Talalupangdon man ang pag pabalon sang 2 ka buhi nga piso bilang pagpati nga konsensyahon ang nag himo sini kay punong barangay Lagura kag pag pabalon sang gunting nga gin pakapot mismo sa tuo nga kamot sini antes gin sarado ang lungon kag gin gulo sa pantyon.
Ini para sa pag pati nga iya pang guntingon ang mga malain nga tawo kag mga hinimuan sini sa pag pato pato sa mga tawo nga wala sala.
Hustisya naman ang ulihi nga tinaga nga gin pabalon ni Misis Anita Lagura sa iya bana kag nag kupo sa lungon antes ini gin lubong.
