TACLOBAN CITY – Papanginanuon han Department Of Interior And Local Government (DILG) Region 8 an Barangay Hall ha Barangay Sigo, Calbayog City, Samar nga gin-aaligar ginpadlockan o ginkandaduhan han incumbent nga barangay kapitan nga waray magdaog kabarangay kagawad ha nasabi nga barangay.
Sumala kan DILG Regional Director Marivel Sacendoncillo, diri pwede pandlockan iton usa nga government facility kun waray mabug-at nga rason.
“We’ll check with our office in calbayog, pero diri pwede padlockan iton usa nga government facility kun waray mabug-at nga rason. Until now, it kapitan an dati la gihap nga kapitan kay waray pa man ginturn-over.”
Ginbutangan pa hin karatula an gawas han barangay hall nga nasiring “Deri na pwede sumulod san barangy hall, order!!!”
Kun an tuna han barangay hall man liwat an pag-iistoryahan, siring han opisyal, ira ini kakadtuon kun gindonate ba ini nga tuna para han barangay hall.
“Kun iya tuna, mababaruan naton kun gin-donate ba nira kay diri pwede mag-construct hin barangay hall nga an tuna in waray klaro an ownership.”
