Padayon pa nga gina-imbestigahan sang Molo PNP ang kaso sang pagpatay sang 22 anyos nga Engineering student nga si Rene Diocos sa duha ka biktima nga sanday Teresita Tagriza, 74 anyos kag timbang sini nga si Remedios Malaga, 52 anyos sa Barangay San Antonio, Molo kahapon sang aga.
Ginpahayag ni Police Chief Inspector Marlon Valencia, hepe sang Molo PNP nga may mga inconsistencies sa pahayag sang suspek base sa iya pagpangusisa diri.
Bangud sini, ginpahayag ni Valencia nga ila ipaidalum sa drug test ang suspek kag ila hibaluon ang dugang nga background sini.
Suno pa sa opisyal nga isa sa ginalantaw nila nga motibo sa krimen amo ang pagpanghold-up sang suspek sa biktima nga si tagriza.
Samtang positibo nga ginkilala sang napilasan sa insidente nga si Julie Ann Peñafiel nga si Diocos amo ang nagbuno sa ila.
