Pilason nga gindala sa Western Visayas Medical Center ang mag-utod matapos ginpangbuno sang ila bayaw bangud sa away angut sa balayran sa tubig.
Natabu ang insidente alas 7:30 subong nga gab-i (Enero 20) sa barangay Nasapahan, Lemery, Iloilo kon sa diin ginkilala ang mga biktima nga sanday Eduardo dela Cruz, 36 anyos kag Armando Dela cruz, 42 anyos.
Samtang ang suspek amo ang ila bayaw nga si Wilfredo Garridi, 53 anyos sang amo man nga lugar.
Ginpahayag ni PO2 Junjie Espora sang Lemery PNP nga una nga nagkomprontahanay sanday Eduardo de la Cruz kag anak sang suspek nga si Stephanie angut sa balayran niloa sa tubig.
Matapos nagpauli sa ila balay si Stephanie, nanugid ini sa iya amay angut sa natabu nga komprontrasyon kag bangud naka-inum, ginsulong sang suspek sa ila balay si Eduardo Dela cruz kag didto ginkomprontar kag ginhangkat sang inaway.
Gilayon man nga naguwa si dela Cruz apanbg gulpi ini nga ginbuno ni Garrido kag naigon sa dughan, nagtuyo naman nga magtambag ang magulang nga si Armando Dela cruz apanmg ginbvuno man ini sang suspek kag naigo man sa dughan.
Pareho nga gindasla sa ospital ang mag-utod nga dela Cruz samtang nagpalagyo naman ang suspek kag at large pa tubtub subong.
