Roxas City, Capiz- Ginpanginwala ni Barangay Kagawad Herlindo Vigo ang mga akusasyon kontra sa iya nanday Linda Espaltero kag Bryan Espaltero sang Brgy. Agambulong, Jamindan, Capiz.
Ini ang parte sa reklamo nga hungod nga ginapatay-sindi sang nasambitan nga konsehal ang main sitch sang ila kuryente sang gab-e nga may yara sang kahiwatan sang kaadlawan sa balay sang mga tagreklamo kabangdanan nga nasamad ang ila nga appliances.
Suno sa amo nga barangay kagawad nga ginpasibangdan gid lamang ini matapos nga makit-an ni Bryan Espaltero nga ini ang nagatindog sa idalom sang poste kon sa diin nahamtang ang main switch.
Ginpunto sini nga gina-tsekyar gid lamang niya kon anu ang depirensya matapos nga nagreklamo ang amu nga mga persona.
Gindugang man sini nga masami ginareklamo sang mga kaingod ang magahud nga pagpatukar sang videoke sang pamilya Espaltero.
Nahibaluan nga una na nga ginpatawag ang mga ini sa level sang barangay kapitan sa Agambulong Jamindan.
Sa matandaan, personal nga nagpadulong sa stasyon sang dyVR ang tagreklamo nga si Linda Espaltero agud nga i-reklamo ang nasambitan nga barangay opisyal matapos nga naaktuhan gid sang mga ini nga ginamanehar ang ila main switch.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
