GINPANGLABO | Maglive-in partner, pilason matapos nga gingubat sa ila poluy-an sa Agbalo, Panay!

Panay, Capiz- Padayon nga ginabulong sa ospital ang mag-live-in partner matapos nga ang mga ini ang ginpanglabo alas 6:30 sang gab-e sa Agbalo banwa sang Panay.
Nag-angkon sang pilas sa natuo nga kamot si Raque Bacea y Bolante, 39-anyos samtang pilas naman sa nawala nga balak-ang ang naangkon sang asawa sini nga si Rea Bacea y Buñi, 33-anyos ang pang-edaron.
Sa ginpatigayon nga hot pursuit operation sang kapulisan, madasig nga nadakpan ang suspetsado nga ginkilala kay Rolan Bacea y Buñi.
Nagaguha sa imbestigasyon sang mga kapulisan nga una nagkadto sa poluy-an sang mga biktima ang hubog nga suspek nga si Roland Bacea kag ginpangita ang anak sang mag-asawa.
Nagluntad ang komprontasyon sa tunga sang mga ini kun sa diin nag-pauli ang suspek agud nga magkuha sang sanduko kag sa pagbalik didto na ginpanglabo ang mga biktima.
Narekober naman sang mga kapulisan ang sanduko nga nagahaba sang 24-pulgadas.

Ginahibalo pa sang mga kapulisan ang matuod nga motibo sang insidente.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments