GINPANGLABU | Mag-asawa nga tigulang, patay matapos ginpanglabu sa sulod sang ila balay sa banwa sang Alimodian.

Ginapadalman pa karon sang Alimodian PNP kon sin-o ang mga suspek kag kon ano ang motibo sa paglabu -patay sa mag-asawa nga tigulang sa barangay Umingan, nabukid nga barangay sang banwa sang Alimodian, Iloilo.
Ini ang ginpahayag ni Police Inspector Danilo Noca, hepe sang Alimodian PNP.
Suno kay Noca nga ginkilala ang mga biktima nga sanday Mamerto Camral, 62 anyos kag asawa sini nga si Emma Camral, 63 anyos.,

Base sa imbestigasyon sang kapulisan, natabu ang insidente mga alas 7 sang gab-i sang Oktubre 10 samtang yara sa sulod sang ila balay ang mag-asawa sang ginsulod sang wala makilala nga mga suspek kag ginpanglabu.

Ginpahayag ni Noca nga mga alas 8:20 sang gab-i nasapwan sang ila apo nga si Rainier nga nagahamyangon sa sulod sang ila balay ang duha ka tigulang nga wala na sang kabuhi kag nagapaligo sa ila kaugalingoin nga dugo.
Padayon nga gina-imbestigahan sang kapulisan ang kaso agud mahgibaluan kon ano ang motibo sang krimen.
Samtang, ginpahayag nga ginpatay ang mag-asawa bangud ginapasibangdan ang mga ini nga manughiwit sa ila lugar.
Subong man, ginpahayag ni Noca nga wala sila sang nabaton nga kaangay nga report.


Facebook Comments