AKLAN – Nadakpan na ang suspek nga naglabu-patay sang iya tiya sa Sitio Pitugo, Brgy. Sugnod, Malinao, Aklan.
Ang suspek ginkilala kay Mar June Victoriano, 27-anyos, isa ka construction worker samtang ang biktima ginkilala kay Irene Nedic Victoriano, 41-anyos lunsay residente sang nasmabit nga lugar.
Santu sa report sang Malinao PNP, may nagreport sa kay Punong Barangay Ruben Agustino Sitio Pitugo, Brgy. Sugnod, Malinao, Aklan kag nagreport nga may nakit-an nga patay sa lugar.
Insigida nagresponde ang Malinao PNP kag pag-abot s alugar nakita nila ang biktima nga nagahamyangon kag wala na sang panit ang iban nga parte sang iya ulo.
Posible suno sa Malinao PNP nga napahilabtan na sang ido ang bangkay snag biktima antes pa ini masapwan.
Sa exclusive interview sang RMN Kalibo sa suspek, natigayon nga matabo ang pagpatay sang suspek sa iya tiya matapos magluntad ang mainit nga pagsabtanay sa magtimbang nga bahin.
Ini bangod suno sa iya ginpasibangdan siya nga ginrape niya ang hinupatanan nga baka sang iya Tiya.
Gin-aku man sang suspek ang krimen nga nahimo sa diin ginlabu niya ang iya Tiya sang Domingo sang hapon, Marso 10.
Nahibaluan nga may daan na nga away ang duha.
Sa karun, preso na sa Malinao PNP ang suspek kag samtang ginpaidalum na sa post mortem examination ang bangkay sang biktima.
Photo via RMN Kalibo
