BACOLOD CITY – Natukiban sa imbestigasyon nga ang armas nga gin-gamit sa pagbuno patay sa isa ka inmate sang Metro Bacolod District Jail sa Brgy. Taculing, Bacolod City amo ang ginpataliwis nga kutsara.
Ini ang nag-gwa sa imbestigasyon sang Bacolod City Police Office sa kaso nga pagbuno kay Jesus Diane Cordova, 44 anyos ang edad sang Brgy. Vista Alegre, Bacolod City sang suspek nga si Randy Divino, pasado la una sang kaagahon sang Lunes, Christmas Day.
Nahibaluan nga may madugay na nga away ang duha kag gindugangan pa gid nga naka-inom ukon hubog ang mga ini bangud nga antes sang natabo ang insidente, nagahiwat sang ila Christmas party ang mga priso sang amo nga bilanguan.
Posible suno sa imbestigasyon, madugay na nga ginhimo sang suspek ang iya patalom pinaagi sa amat-amat nga pagpataliwis sang isa ka kutsara.
Ang biktima nga si Jesus ang may kaso violation sang Republic Act 9165 ukon illegal drugs samtang ang suspek naman nga si Randy ang may kaso robbery kag carnapping./RMN Photo/Not the actual photo
