Report ni: Tita Jen Palomo Debaja
Halos indi na makilal an ang pinoy waiter nga si John Damasco,34 anyos nga taga Mabini Pangasinan sang mag abot ang iya bangkay sa isa ka punerarya sa Dagupan City sadtong Pebrero 5, 2018.
Sa pahayag sang hinablos sang biktima, naggwa sa imbistigasyon sang Riyadh police nga nainvolve ini sa car accident apang bagay nga wala ginapatihan sang iya pamilya.
Sa dugang nga impormasyon nga naglab ut sa pamilya sang biktima, gulpi ini nga nadula sang Disyembre 27, 2017 kg ginkumpirmar napatay pagkatapos ang isa ka semana.
Sa pahayag pa gid sang hinablos sini, kon naaksidente ang biktima, ngaa wala nalista, ang plate number sang salakyan kag wala man sang CCTV footage nga ginpakita ang kapulisan sa nasambit nga aksidente. Wala pa sang klaro nga impormasyon asta subong kon ano gid ang tuod nga natabu sa ila himata . Apang may nagpalab ut sa ila nga isa ka abyan sang napatay sa Riyadh nga gin detain ini sa wala nahibaluan nga sala.
Sa kagustuhan sang pamilya nga mapadasig ang pagpapauli sang bangkay sini, ginkasugtan nalang nila nga indi na pag epadayun ang imbistigasyon sa iya kaso. Apang padayun sila nga naga pangamuyo nga may paagi gid nga matagaan hustisya ang pagkamatay sang Ila himata.
Apat katuig nga nag ubra bilang cleaner sa Jeddah si John antis nag pasimpalad sa Riyadh KSA bilang waiter kg pila palang kabulan ini sa iya gina ubrahan sang napatay ini. Kinagut si John sa pito nga mag ulutod.
Naka haya subong ang iya bangkay sa Mabini Pangasinan kag naka skedyul nga ega dul ong sa iya katapusan nga palahuwayan sa domingo, Pebrero 11,2018 .
RONEL L. SORBITO Station Manager RMN DYRI 774 Iloilo
