Roxas City, Capiz – Ginbutang sa lock-up cell sang Roxas City PNP ang isa ka persona matapos nga wala makabayad sang bill sang iya nga gin-inom sa isa ka resto bar sa Kilometer I Barangay Lawaan, Roxas City mga ala una sang kaaganhon.
Ginhingadlan ang amo nga persona kay “Reynaldo” nga residente sang Brgy. Intampilan, Panit-an, Capiz.
Suno sa tagdumalahan sang nasambitan nga resto bar, nagkuha pa sang ka-table nga babaye ang amo nga persona sa diin nagpa-order pa sang lady’s drink.
Apang sang ginsukot na sa iya bill, napaslawan si “Reynaldo” nga makabayad kabangdanan ini temporaryo nga ginpreso sa lock-up cell sang Roxas City PNP.
Nahibaluan nga naglab-ot sa P4, 145 pesos ang bill sang mag-utod para sa iya gin-order nga ilimnon kag gin-table nga babaye.
© photo from web
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
