GINRANSACK | Accounting office sang NIPSC-Main Campus sa banwa sang Estancia, ginsulod sang mga kawatan

Ginsulod sang duha ka wala pa makilala nga suspek ang finance section/accounting office sa Administration building sang Northern Iloilo Polytechnic State College (NIPSC) main campus sa banwa sang Estancia.
Ini ang ginkumpirmar ni SPO4 Marcelino Labos sang Estancia PNP.
Base sa base sa cctv, alas 2 sa kaagahon kahapon natabo ang insidente.
Wala pa mahibaluan kon pila ang kabug-usan nga kwarta kag mga kagamitan nga nataban sang mga suspek lakip na ang identity sang duha ka suspek nga lalaki.
Padayon pa ang imbestigasyon sang kapulisan sa nasambit nga insidente.