Tapaz, Capiz – Ginsulod sang mga kawatan ang Bagong Barrio Elementary School sa Barangay Bagong Barrio, Tapaz, Capiz. Natukiban sang isa ka manunudlo sang nagligad nga Pebrero 26, 2018, alas 6:30 sang aga nga ginransak ang pila ka mga hulot kag ang principal’s office sang nasambit nga eskwelahan.
Gilayon nga nag-report sa mga kapulisan si Dr. Eirlmos Gabayaran, principal sang Bagong Barrio Elementary School. Suno diri, nakuha sang mga suspek ang isa ka laptop kag iban pa nga kagamitan nga ginapanag-iyahan sang eskwelahan.
Ginapatihan nga una ginsulod sang mga makawat ang opisina sang principal kag ginkuha ang master keys sang mga hulot agud mangin mas mahapos ang ila pagpangawat. Narekober naman sang mga kapulisan ang isa ka flashlight nga posible gin gamit sang mga suspek. sa karon padayon pa ang imbestigasyon sang mga kapulisan agud matumod ang mga kawatan.
(photo from web)
<#m_-3880809351541088945_DAB4FAD8-2DD7-40BB-A1B8-4E2AA1F9FDF2>
