Roxas City, Capiz- Ginareklamo subong ang isa ka manunudlo sang Don Francisco Dinglasan Memorial School sa Brgy. Punta Tabuc bangud sa pagsabya sini sang tubig sa isa ka grade-2 pupil nga nagabutho sa amo nga eskwelahan.
Personal nga nagpadulong sa station sang DYVR RMN-Roxas ang ginikanan sang amo nga walo ka tuig nga bata agod nga i-reklamo ang nadangatan snag iya puya. Ginsiling sini nga natabo ang nasambitan nga insidente sang nakaligad nga adlaw sang Biernes.
Suno pa diri nga bangud sa amo nga insidente, ginlagnat pa ang ila anak kag nakabatyag sang kahadlok nga magkadto sa eskwelahan bangod sa ginhimo sa iya sang manunudlo nga ginkilala kay “Mr. Bulao”.
Suno pa sa amay, ginpatawag sila kag gin-settle sa principals office apang kasubong nga indi sang hugot ang pagpangayo sang pasensiya sang manunudlo. Naglakat ini kag sa baylo nagklase kag wala magpirma sa kasugtanan.
Panawagan subong sang amay nga mahatagan sang aksyon para madisiplina ang kasubong nga aktwasyon sang nasambitan nga manunudlo para nga indi na pagpamarisan sang iban.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
