Sapian, Capiz- Pilason ang isa ka persona matapos ginsapote sang mismo utod sa Sitio Malinong, Brgy. Poblacion, Sapian, Capiz alas 7:20 sang gab-e.
Ginkilala ang biktima kay Winnie Boy Banhaw y Parohinog, 38-anyos nga nag-angkon sang samad sa iya agtang kag nawala nga porsiyon sang iya butkon.
Suno sa imbestigasyon sang mga kapulisan, upod nga naga-inom ang suspek nga si Jonefer Banhaw y Parohinog kag isa pa gid nila ka utod nga si Oliver Banhaw.
Nag-abot ang hubog nga biktima kag ginkomprontar sini ang suspek angut sa daan nila nga indi paghangpanay. Diri nagkuha sang butong ang suspek kag ini ang gilayon nga ginlamposan.
Sa subong padayon nga ginabulong sa ospital ang amo nga biktima samtang gilayon man nga naarestar sang mga brgy. officials ang suspek.
