Gin- ako ni Assistant Regional Director for Administration and Operations Jail Supt. Gilbert Peremne nga nalutsan sila sang mga bisita sang preso matapos sang narekober nga 3 ka cellphone sa sulod sang pasilidad. Nagapati si Peremne nga ginsulod sa kinatawo sang bisita nga babaye ang cell phone.
Ginpasalig naman sini nga dugangan pa gid nila ang pag-istrikto sa pag-tsekyar sa tanan nga mga bisita nga nagasulod para magdalaw.
Alas-5 sang kaina sang aga sang ginpatigayun ang surprise Greyhound Operation Inspection sa Bureau of Jail Managment and Penology Male Dormitory sa Brgy Ungka, Jaro sa diin nangin negatibo sa illegal nga druga ang operasyon sa baylo tatlo ka cellphone ang narekober sa sulod sang sandal sa wala pa matumod nga inmate.
Ang Greyhound Operation ang ginpatigayun sang BJMP para ma-monitor ang nagasulod nga druga sa pasilidad nga sa diin kapin sa 65 porsyento sa kabug-usan nga numero sang mga inmate ang may kaso nga illegal drugs.
