GINSULOD SANG KAWATAN | Edipisyo sang Boy Scouts sa banwa sang Dao, ginkawatan

Dao, Capiz – Wala makaluwas sa mga kawatan ang edipisyo sang Boy Scouts of the Philippines sa Barangay Matagnop, Dao, Capiz. Natigayon nga makuha sang wala pa makilala nga mga suspek ang kapin sa P50,000 nga balor sang kagamitan nga ginalakipan sang kitchen utensils kag electrical wirings.
Natukiban ni Mr. Rodel Estrellan, OIC scout executive sa banwa sang Dao nga ginsulod kag ginkawatan ang nasambit nga opisina bangud pwersahan nga ginbuksan sang mga suspek ang nalikod nga pwerta.
Ginapatihan nga nagluntad ang pagpangawat sang nagligad pa nga Semana Santa. Nagapadayon pa ang imbestigasyon sang mga kapulisan agud matumod ang mga suspek.