Nasapwan nga wala na sang kabuhi kag tadtad sang pilas tuga sang pagbuno ang isa ka lalaki sa Barangay Libot, Calinog mga alas 6 kahapon sang aga.
Ginpahayag ni Police Chief Inspector Jose Nemias Pamplona, hepe sang Calinog PNO nga sa ila pagpangusisa, nakilala ang biktima nga si Jenil Tingson, 34 anyos kag pumuluyo sang Barangay Embalidan, Calinog, Iloilo.
Suno kay Pamplona nga tadtad sang kapilasan tuga sang pagbuno kon sa diin indi magnubo sa 40 ka pilas sa nagkalain-lain nga bahin sang lawas ang naagum sang biktima.
Sa karon padayon pa nga gina-imbestigahan sang calinog pnp ang nasambit nga kaso kon sa diin wala pa makilala ang suspek nga naghimo sang nasambit nga krimen.
Facebook Comments
