CALATRAVA, NEGROS OCCIDENTAL – Magadepende sa pamilya kon bala magahingyo sila imbestigasyon angut sa kamatayon sang isa ka overseer ukon kabo sa hacienda sa natabo nga compromise shootout sa Brgy. Lagaan, Calatrava kahapon sang aga.
Ang biktima nga si Bolbet Leyte, 42 anyos ang edad, pumuluyo sang amo nga lugar kag isa ka kabo sa iya gina-obrahan nga hacienda ang natiruhan kag napatay matapos nga ginaalegar ini siya ang nagbato sa mga katapo sang Special Action Force nga assigned sa amo nga area.
Base sa imbestigasyon sang Calatrava Police Station, ang mga katapo sang SAF ang nagapatigayon sang patrolya mga las 4 kahapon sang kaagahon sang ila nakita ang biktima.
Ginpahayag nga sang nagpalapit ang pulis sa lugar ni Bordet, ini sila ang ginpalukpan sang biktima gani napilitan ang mga katapo sang SAF kag ang Mobile Force Company nga magbalos.
Nakuha sa biktima ang isa ka .38 calibre nga armas, 5 ka live ammos kag 3 ka dead bullet.
Sa karon, ginahulat sang Calatrava Police Station ang desisyon sang pamilya sang biktima kon bala ini sila ang maga request sang mas tul-id nga imbestigasyon para mahibaluan kon bala nagbato gid man ang suspek./ Not the actual photo/ SAF Sagay Training photo
