ILOILO – Ginluthang sang wala pa mahingadlan nga suspetsado ang 16 anyos nga lalaki sa atubang sang Balasan National High School , Brgy. Balanti-an , Balasan sang Lunes sang gab-i.
Ginkilala ang biktima kay alyas Mark, grade 8 student sa nasambit nga buluthuan kag residente sang Brgy. Nalumsan, Carles , Iloilo .
Suno kay PCI Kenneth Panesa , hepe sang Balasan MPS, sakay sa motorsiklo si alyas Mark upod ang duha ka iban pa sang nag-overtake ang motorsiklo sakay ang 3 ka mga suspek kag ginluthang ang biktima.
Dugang pa ni Panesa nga kilala sang biktima sa hitsura ang mga suspek nga estudyante man sang Balasan National High School apang limitado pa ang ila makuha nga impormasyon sa biktima.
Sa karon, yara na sa estable nga kondisyon ang biktima matapos na-igo sang bala sa wala nga abaga.
Samtang padayon naman ang imbestigasyon agud matul-id kon ano ang motibo sang pagpangluthang kag padayon man ang hot pursuit operation sa mga suspetsado. /// Photo from web
