Isa pa gid ka drug surrenderee ang gintiro sang riding in tandem mga alas 7 kagab-i sa Barangay Ingore, Lapaz.
Ginkilala ang biktima nga si Rolando Puda, 41 anyos sang zone 6, Barangay Ingoire, Lapaz.
Ginpahayag nga naga-tambay ang biktima sa higad sang dalan sang hinali lang nga ginluthang sang riding in tandem.
Gilayon naman nga gindala sa West Visayas State University Medical Center si Puda kag nagapabilin karon sa ICU matapos maoperahan.
Suno sa mga nakasaksi, anum ka lupok ang ila nabatian sang gintiro ang biktima.
Samtang, ginpahayag ni Punong Barangay Indo Jalandoni nga nagatrabaho sa barangay ang biktima kag nakaagi anay tokhang kag nagsurrender sa PDEA.
Subong man, indi pa matumod kon ano ang motibo sang mga suspek sa pagtiro kay Puda.
