ISABELA, NEGROS OCCIDENTAL – Wala sang confirmation kon bala asset gid man sang militar ukon sang pulis ang habal-habal driver nga gintiro patay kahapon sang aga sa banwa sang Isabela.
Suno kay PSInsp. Randy Babor nga wala man ini sang ID nga pamatuod nga nga asset gid man ini sya.
Ang biktima nakilala kay Joemarie Saracia, 44 anyos ang edad, kasado kag pumuluyo sang Brgy. Sebucauan sanga mo nga banwa.
Si Saracia ang gintiro may mga las 8:30 kahapon sang aga sa proper sang amo nga barangay sang mga suspek nga ginaalegar katapo sang New Peoples Army.
Suno sa Philippine Army kag sa PNP nga padayon pa karon nga gina confirm kon bala ang biktima ang gina-gamit gid man nga asset .
Suno sa utod sang biktima nga si Joseph Saracia, nagalakat ang iya utod padulong sa simbahan sang ini ang ginsugata sang lima ka mga armado nga mga tawo kag ginpalukpan sang lima ka beses nga nagresulta sang iya kamatayon.
Ginpahayag nga matapos ang insidente gilayon nga nagpalagyo ang mga suspek kon diin na recover sa scene of the crime ang basiyo nga bala sang .45 calibre nga pistola./dyHB BACOLOD
