MURCIA, NEGROS OCCIDENTAL – Napatay on the spot ang isa ka amay matapos gintiro sang riding-in-tandem sini gid lamang nga aga sa Brgy. Sta. Rosa, banwa sang Murcia.
Nakilala ang biktima nga si Efraem Llamado, 57 anyos ang edad, kasado kag pumuluyo sang Purok Bougainvillea, Brgy. Pandanon Silos, banwa sang Murcia.
Nahibaluan nga ang biktima ang may 7 tanan ka mga kabataan, isa sadto ka driver sang ambulance sang Murcia apang karon naga-drive na ini sang habal-habal.
Suno sa inisyal nga pagpangusisa, may mga las 8:50 kaina sang aga ang biktima ang yara sulod sang isa ka kapehan sa Had. Wawa, Brgy. Sta. Rosa sang may nagdulong nga itom nga motorsiklo (Rusi 125) sakay ang duha ka tawo.
Nakibot ang yara sa sulod sang hinali na lamang nga gintiro ang biktima kon diin ang una nga tatlo ka lupok ang wala nag-igo sa iya lawas kundi sa dingding.
Apang ang masunod nga apat ka lupok ang nagtupa na tanan sa lawas ni Llamado kag ini ag naigo sa iya nawala nga bahin sang kilid kag likod nga amo ang gintunaan sang iya gilayon nga kamatayon.
Samtang, gilayon naman nga nagpalagyo ang mga suspek sa direksyon sang Salvador Benedicto./dyHB BACOLOD
