Tapaz, Capiz- Gin-umpisahan na ang pagwasak sang daan nga municipal building sang banwa sang Tapaz.
Ini ang ginkumpirmar ni Tapaz Mayor Roberto “Nonong” Palomar nga sang nakaligad nga semana pa nagsugod ang pag-demolish sang building.
Suno diri nga sa amu man nga lokasyon iga-patindog ang mas ginpalapad nga 4-storey municipal hall kag sarang na nga makahatag sang serbisyo sa mga Tapaznon.
Aminado man ang nasambitan nga alkalde nga tuman na ka daan kag kinahanglan nga islan ang subong nga municipal hall building.
Ang amu nga proyekto ang ginpondohan sang kapin P103 million pesos kun sa diin ang nagdaog naman nga contractor ang naghalin sa Metro Manila.
Samtang iga-transfer naman temporaryo ang mga talatapan sang munisipyo agud nga indi ma-apektohan ang transaksyon kag trabaho sang LGU sang Tapaz.
photo © MG Gimeno/JV Japitana Planners and Builders
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
