Davao City – Gipaundang ni Davao City Mayor Inday Sara Duterte Carpio ang dili awtorisadong pagpamaligyag og grocery items ug uban pang mga retail products gikan sa nasunog nga NCCC Mall.
Sumala sa impormasyon nga nakaabot sa City Mayor’s Office nagsugod ang pagpamaligya sa assorted nga mga produkto kagahapong adlawa sa Purok 9, Tacunan, Tugbok District ning syudad.
Sumala pa pipila sa mga pagkaon nga gipamaligya expired na.
Busa gimanduan sa alkalde ang City Legal Office nga dili tugutan nga ibaligya ang maong mga produkto tungod kay wala kiniy business permit.
Gitugunan usab sa mayor ang City Health Office nga i-dispose ang mga expired na nga mga items.
Sa pikas bahin gikanayon ni Davao City Police Office head PSSUPT Alexander Tagum nga gipasirado sa Tugbok Police Station ang maong luna diin didto gidisplay ug gipamaligya ang mga narekober nga produkto.
Giiila ang tag-iya nga si Benjardi Belardo Bermudo kinsa gihire sa NCCC mall aron i-demolish ang nasangpit nga mall sa Matina.
Sumala sa Tugbok Police nga nasayran nga niadtong Hunyo 18, girecover niini ang mga produkto gikan sa nasunog nga mall ug gibyahe kini padulong sa Tacunan.
Gidagsa sa mga katawhan ang gipamaligyang barato nga items.
RadyoMaN Aimee Guinita
