Gidawat sa mga personahe sa Department of Health nga anaa sa Vaccination Site sa Robinsons Place ang ilang gipangayo nga donasyon aron sila makapadayon sa pagpang-bakuna.
Mismong si DXIC Station Manager Ramil Emborong ang nanguna sa pagtunol sa mga gamit nga kinahanglan kaayo sa mga frontliners human niya madawat ang ilang pagpangayo sa donasyon pinaagi sa iyang programa nga Straight to the Point.
Misanong dayon sa maong panawagan ang hugpong sa Maria Cristina Eagles Club kinsa maoy namalit sa maong mga gamit aron mahatag sa mga frontliners.
Ang Maria Cristina Eagles Club, gibantog na nga organisasyon sa paghatag dayon ug tabang alang sa mga nanginahanglan.
Mapasalamaton silang mga frontliners nga natubag ang ilang gipangayo tungod sa milabay’ng mga adlaw sila naman mismo ang mokoot sa ilang kaugalingong bulsa aron mopalit sa ilang kinahanglanon.
Gilangkuban ang mga gamit sa mosunod; gapas, alcohol, band aid, battery, facemask ug face shield.
