Gipasalamatan sa mga katawhan ang amahan sa probinsya sa Zamboanga del norte nga si Gov. Roberto Uy tungod sa iyang Halad Pasalamat “Operation Tuli” pinaagi sa Probinsya Health Office (PHO).
Tungod kay nakapahimulos ang mga kabataan sa libreng tuli sa kagamhanang probinsyal ug libre pa kini sa tambal hangtod nga maalim samad tinulian mga kabataan.
Mao kini ang gihatagan ug dakong pagtagad ni Gov. Uy sama sa paghatag ug basic health care services sa iyang mga konstituwente.
Gipangunayan kini sa mga doktor, nurse ug staff sa Provincial Health Office PHO pinaagi nausab sa pakigtimbayayong sa local government unit (LGU) nga napili kung asa ipahigayon ang libreng tuli.
Ang mga nakapahimulos nga lugar mao ang brgy. Patik sa Katipunan, Brgy. Pob. Lungsod sa Salug, Polanco, Sibutad, Gutalac, ug dinhi sa dakbayan sa Dipolog.
Kagahapon mao ang katapusang Operation tuli sa HALAD SA GUGMA didto sa Pob. Gutalac nga kung diin gidagsa kini sa mga kabataan nga gusto mopahimulos sa maong kahigayunan.
Gikabutyag usab sa kagahamhanang probinsyal ang laing pang umaabot nga schedule sa susamang kalihukan.
