*Way record ang kapolisan sa lungsod sa San Fernando nga nalambigit sa bisan unsang ilegal nga kalihukan ang konsehal sa lungsod nga gipusil-patay sa riding in tandem kagahapon .* *Nahitabo ang pagpatay ni Konsehal Alexander Alicaway , samtang naglakaw dool sa merkado sa Barangay South Poblacion ,dihang kalit lang usa ka lalaki nga nanaug sa motorsiklo ang nipusil kaniya .* *Ang hepe sa San Fernando Police Station , Sr. Inspector Adrian Nalua nibutyag nga wa pa silay naestablisar nga motibo sa krimen ug makighinabi usab sila sa pamilya sa maong konsehal alang sa nagpadayon nilang imbistigasyon .* *Manguha usab sila ug video footage gikan sa mga CCTV camera dool sa crime scene aron makatabang sa imbistigasyon .* *Ang riding in tandem nga mga suspetsado pulos nagtabon sa ilang nawong ug **nagsul-ob ug full-face helmet .* *Giingong nawad-an sa iyang bulawang kuwentas ug cellphone si Alicaway human sa hitabo.* <www.avg.com/email-signature?utm_medium=email&utm_source=link&utm_campaign=sig-email&utm_content=webmail>
