Iligan City – Doble ang hugot nga pagpatuman karon sa seguridad sa mga sakop sa kasundalohan ubos sa ilang area of responsibility lakip na dinhi sa dakbayan sa iligan.
Kini human nagkalat ang taho sa social media nga posibleng adunay himoong kadaut ang mga dautang elemento sama sa pagpangkidnap, pagpamomba ug uban pa.
Gibutyag ni 4th Mechanized Infantry Battalion Commander Col. Alex Aduca nga binuhatan na gayud sa mga dautang elemento ang paghimo ug kasamok sa bisan asa mang lugar sa nasud.
Papel nila karon mao ang paghatag ug igong seguridad sa lugar ilabi na sa katawhan nga anaa ubos sa ilang pagdumala.
Gani, andam kanunay ang kasundalohan sa pag-abag sa kapulisan sa pagmintinar sa maayong dagan sa kahusay ug kalinaw sa dakbayan sa iligan.
Facebook Comments
