General Santos City–Sikop ang usa ka labor human nga gitudlo sa 16 anyos nga minor de edad nga usa matud pa sa milugos ngadto kaniya sa area sa Purok Olarte, sakop sa Barangay labangal kagabie.
Dinakpan giilang si Edwin Dela Peña, 31 anyos, residenti sa Purok Saway, Barangay Labangal, Gensan.
Subay sa report sa Police Station 2, una nang misumbong ang uyuan sa biktima ngadto sa kapulisan human nga gipuli-pulihan matud pa sa tulo ka mga suspek ang biktima.
Gumikan niini naghimo ug hot pursuit operation ang Police Station 2 nga miresulta sa pagkasikop sa suspek nga si Edwin apan pakyas nga nadakpan ang duha niini ka kaubanan human nga nakasibat.
Sa pakighinabi sa RMN Gensan News Team ngadto sa suspek iyang gibutyag nga niapil ug inum ang biktima ngadto kanila, dihang nahubog didto na nahitabo ang pagpanglugos apan giklaro niini nga wala sya miapil ug lugos sa nasangpit inay ang duha ra niini nga kauban sa inum.
Sa karon nagpadayon pa ang imbistigasyon sa kapulisan kalabutan sa insidenti, ug padayon pa usab nga gipangita ang duha ka suspetsadong nakasibat.
