General Santos City–Gipaklaro ni barangay Lagao kapitan Roleto Blando nga dugay na nilang gipaabot sa City Engineers Office ang reklamo kalabutan sa problema sa kanal nga walay barandilya sa nursery road padulong sa Susana homes sakop sa Brgy.Lagao ning syudad.
Sumala pa niini nga gi-inspeksyon na sa taga City Engineers Office ang lugar apan wala pa giaksyunan gumikan kay i-renovate matud ang canal ug naghulat pa sila sa budget sa syudad kung kanus-a moabot.
Matud pa ni Blando nga dugay ang aksyon sa problema tungod i-agi pa kini ug taas-taas proseso hinungdan nga hangtud karung panahona wala pa gihapon nabutangan ug barandilya ang lugar.
Saysay man usab ni kapitan blando nga daghan ng nangahulog sa canal gani usa na niini ang iyang usa ka anak ug sagad matud pa ang mahulog kadtong mga driver nga nagamaneho sa ilang sakyanan nga hubog. (Reynald Timario)
