Gisugdan na karon adlawa ang nationwide trasport strike, ang ubang transport group sa Cagayan de Oro nakighiusasa “PinagkaisangSamahanngmgaTsuper at operators Nationwide” PISTON aron babagan ang plano nga iphase out na sunod tuig ang mga public utility jeepneys (PUJ’s) nga nagedad og 15 ka tuig.
Bisan tuod ulan ulan dili kini babag sa mga protestante og naghinaot nga mapaabot ang ilang mga yango-ngo sa gobyerno.
Matud ni Wildon Baros ang spokesperson sa Bagong Alyansang Makabayan “nakasupporta sila sa lakang sa The Solidarity of Transport in Region 10 (STAREX) aligned with PISTON dako ang among pagbabag niining pagface out sa 15 years old nga mga sakyanan tungod dako kayo ni nga isyu kung mamodernized na ang atong mga sakyanan siguradong mosaka ang pletehan, mosaka usab ang presyo sa palaliton kay himoon mani nga rason sa mga negosyante nga taas ang ilang transportation cost mosaka pud ang presyo sa ilang produkto so kami sa alyansang makabayan madungog ang panawagan sa piston..nga pulihan lagi ang mga sakyanan nga nagedad og 15 ka tuig og pulihan sa mga E-Jeep ogmga hi-tech na (daw) pero mao lagi makaapekto kini sa tibook katawhan ilabina sa mga estudyante og mga ginikanan, ilabina sa atong mga maguuma nga dili makasugakod ang e-jeep sa mga lugar nga pasaka kaayo unsa-on na lang nila paghatod sa ilang mga produkto. Uyun man mi sa modernization, pero mas maayo siguro kung ilang tagaan ug pagtagad ang atong mga hospital nga i-modernized, edukasyon og uban pa.”
Tungod niini gibutyag ni LTFRB Officer in-charge Allan Guro sa interview sa dxCC-RMN. Napulo ka mga bus ang gi-andam sa Land Transportation Franchising and Regulatory Board o LTFRB para mohimo sa libreng sakay sa mga pasaherong maapektuhan sa nationwide transport strike karong adlawa.
