Anaa na karon sa kustodiya sa Criminal Investigation and Detection Group-7 ang gidudahang miyembro sa Abu Sayyaf Group nga nadakpan sa Barangay Ocana dakbayan sa Carcar.
Ang suspek nga si Oger Roma Pelonio , 68 anyos nadakpan sa iyang giabangan nga pinuy-anan kaganinang kadlawon , ubos sa hiniusang operasyon sa CIDG-7, ubang units sa PNP, ug military .
Usa ka search warrant ang giluwatan ni Regional Trial Court Judge Gilbert Moises aron pagsiksik sa panimay ni Pelonio.
Nakuha gikan niini ang lain-laing armas , granada ug ubang gamit .
Nakadawat ug taho ang CIDG nga si Pelonio usa ka sakop sa ASG.
Facebook Comments
