Davao City – Nagpahinumdom ang Asuncion Municipal Police Station (MPS) sa publiko nga kung kinsa man ang magpakatag og fake news mamahimong makasohan pinaagi sa Article 154 sa Revised Penal Code ug gi-amendahan sa RA 10175 o Anti-Cybercrime Law.
Kini human nga adunay mikatag post online nga adunay kalabera sa tawo ang napalgan sa Purok Mahayahay, Brgy Camoning, Asuncion, Davao del Norte.
Human madawat ang report, daling gipanubayan sa mga imbestigador ug SOCO ang area ug nakita ang maong mga bukog nga nakaputos sa blue nga palda.
Human sa otopsiya, giklaro sa Asuncion MPS nga dili bukog sa tawo ang nakita kung dili bukog lamang sa usa ka hayop.
Subling giawhag sa otoridad ang katawhan nga kung adunay mamatikdan, dili dayong magpataka og post online, angayan unang i-report sa kapulisan aron maaksyunan ug maimbestigahan.
RadyoMaN Ivy Parido
Facebook Comments
